589 Zenbakia 2011-07-29 / 2011-09-02

Euskonews Gaztea

Gaiak: Olatz Saitua Iribar

SOJO GUTIÉRREZ, Patricia



Olatz Saitua Iribar Bilbon 1967an jaiotako soprano bizkaitarra da. Ikasketak

Gitarra eta kantu ikasketak egin zituen Bilboko Kontserbatorioan, Ekonomia eta Enpresa Zientzien lizentziatura ateratzeaz batera. Bizkaiko Foru Aldundiaren beka bati esker Carlo Bergonzirekin Sienako Chigiana Akademian eta Wilma Lippekin Salzburgoko Hochschule Mozarteum eskolan ikasketak sakontzeko aukera izan zuen. Azken horretan, Opera espezialitatean graduatu zen 1996an. Sari eta aipamenak

Bilbo, Irun eta Vienako Belvedereko Nazioarteko Kantu Lehiaketetan saritua izan da. Jarduerak

Bartzelonako Lizeo Antzokia, Madrileko Errege Antzokia, Operako Lagunen Bilboko Elkartea, Donostiako Musika Hamabostaldia, Santanderko Jaialdia eta Eisenstadteko Haydn Jaialdietako opera denboraldietan abestera gonbidatua izan da.

Baita Espainiako Irrati Telebistako Orkestrarekin (RTVE), Espainiako Orkestra Nazionalarekin, Tenerifeko Sinfonikoarekin, Bilboko Sinfonikoarekin, Galiziako Sinfonikoarekin, Galiziako Real Filharmoníarekin, Asturiasko Printzerriko Sinfonikarekin, Valleseko Sinfonikarekin, Gaztela eta Leongo Sinfonikarekin, Essener, Philharmoniker eta Dresdner Philharmoniekoekin kontzertu denboraldietan abesteko gonbidapena jaso du ere.

Hainbat eszena–zuzendarirekin lan egin du, besteak beste, Monako eta Dresdeneko Schaaf, Carsen, Tambosi, Grüber eta Deflo. Soltesz, Soudain, Ranzani, Salonen, Victor Pablo, Bragado, Garcia Asensio, Mena, Frühbeck de Burgos, Haider, Garcia Navarro, Delacôte, de Billy, Ros Marba, Encinar, Valdes, Vladar, Morandi eta Plasson bezalako orkestra zuzendariekin baita ere.

‹‹Olatz Saitua Iribar, Auñamendi Eusko Entziklopedian››