Euskonews Gaztea
Gaiak: Otarrainskak tenpuran
Dastatze menuaren barruan, aperitibo hau prestatzen ikasiko dugu Gasteizko Gamarra Ostalaritza Eskolaren eskutik. Osagaiak
(10 anoatarako)
30 otarrainska Litro erdi garagardo (egin daiteke sagardo, esne, gasdun urarekin...) 20 g legamia 5 g azukre 400 g arroz–irin (eduki ezean, gari irin bahetua) 3 tomate Limoi bat (aukerakoa) Tipulatxa bat (edo tipuleta) Gatza, azukrea eta olioa Perrexil xehatua Perrexila Argazkia: Gamarra Ostalaritza Eskola. Elaborazioa
Otarrainskak: zuritzen dira buztana utziz. Sabelaldea zaabldu eta hozkailuan gorde.
Tenpura: treska edo barreinu batean irina jarri. Gatza eta azukrea gehitu. Beste ontzi baten garagardoa epeldu eta bertan legamia disolbatu (beste likido bat erabiltzekotan, legamia kantitatea pixka bat gehitu) eta irinari gehitzen joan. 30–50 gradu bitarteko tenperaturan hartzitzen uzten da. Hartzitzen denean, ore apatz eta leunagoa nahi izanez gero, arrautza–zuringo harrotu bat gehituko diogu, baina frijitu eta momentuan bertan ez badira jaten, gehiago biguntzen dira. Egiazko japoniar tenpurak ez du legamiarik bere osagaien artean, urez egiten da, arrautza–zuringo bat harrotu barik gehitzen zaio eta ez da hartzitzen. Tamari (japoniar saltsa tipikoa) tanta batzuez ontzen da.
Concassé tomatea: tipulatxa edo tipuleta brunnoisen mozten da. Tomateei atzealdeko azalean gurutze moduko ebaki bat egiten diegu eta irakiten dagoen ur gatzatuan galdarraztatzen ditugu: segundo batzuez uretan murgildu gurutzeko moduko ebakia egin dugun aldetik azala apur bat askatu arte hobeto zuritu daitezen. Freskatu ur–izotzetan eta zuritu. Laurdenetan moztu eta haziak kendu. Mamia brunnoisen ebaki. Limoia gehitzea erabaki badugu, zuritu eta azalaren parte zuria baztertu parte horia bakarrik erabiliaz. Brunnoise fin–finetan moztu.Tipulatxa olio apur baten sueztitzen dugu eta bigun dagoenean tomatea eta limoi azal txikitua gehitu. Gatz pixka bat eta azukrea bota eta estali. Su motelean egiten utzi eta eragin noizbehinka. Ia bukatuta dagoenean, estalkia kendu daukan ura gutxitzen joateko eta lehorrago gelditzeko.
Perrexil olioa: perrexila galdarraztatu, freskatu eta paper xurgatzaileaz lehortu. Oliotan sartu eta epeltzen jarri. Gehiegi berotu baino lehen, sutatik baztertu, estali eta infusionatzen utzi olioa hoztu arte. Xehatu. Olioa eta perrexila gordinean xehatu daitezke baita ere.
Bukatu eta aurkeztu: otarrainskei gatzei bata, tenpuratik pasatu eta olio bero ugaritan frijitu. Urre kolorea hartzen dutenean, oliotatik atera eta paper xurgatzaile zati baten gainean jarri. Platertxo baten erdian concassé tomate koilaratxo bat ipini eta inguruan 3 otarrainska, zutik mantentzen saiatuz. Perrexil olioaz zipriztindu. Tipulin edo perrexil adartxo batekin apaindu.
Orain arteko errezetak:
:: Entsaladilla errusiarra eta Txitxarroa bilbotar erara :: Txerrikume konfitatua berakatzen pureaz :: Olagarro eta muskuilu entsalada patata eta ali–oli saltsarekin :: Marrubi gazpatxoa bere sorbeteaz:: Oilasko errea entsaladarekin