Euskonews Gaztea
Gaiak: Entsaladilla errusiarra eta Txitxarroa bilbotar erara
Aste honetan, honako errezetak eskaintzen dizkizugu, Gamarra Ostalaritza Eskolaren eskutik. Entsaladilla errusiarra. Argazkia: Gamarra Ostalaritza Eskola. Entsaladilla errusiarra
Osagaiak
Patatak Azenarioak Arrautzak Oliba berdeak Hegaluzea oliotan Ilarrak Tipuleta Maionesa Letxuga ezberdinak Frantses–porruak Pikilozko piperrak
Nola egin
– Patatak osorik eta azalarekin egosi. Bestalde, arrautzak 12 minututan egosi. Azenarioak zuritu eta egosi. Ilarrak ingeles erara egosi. – Patatak hotz daudenean zuritu. Arrautzekin berdin egin. Patatak, arrautzak eta azenarioak dadotan zatitu. Tipuleta brunoise erara txikitu. Olibei hezurra kendu eta txikitu. – Letxugak garbitu. Frantses–porruak erdibitu. Piperrak zerrendatan zatitu. Hegaluzea papurtu. – Patatak, azenarioak, arrautzak, ilarrak, tipuleta, olibak eta hegaluze papurtua maionesarekin nahastu. – Plater batean letxugak jarri apaingarri gisa. Erdian entsaladilla jarri beirazko bol edo aro baten laguntzaz. Frantses–porru eta piperrekin dekoratu.
* Brunoise: barazkia dado txikitan moztea . Juliana erara moztu behar da aurretik, eta hortik abiatuta, dadoak egin.
Txitxarroa bilbotar erara panadera patatekin
Osagaiak (4 anoatarako) Txitxarroa bilbotar erara. Argazkia: Gamarra Ostalaritza Eskola.
4 txitxarro Berakatza 1/2 oliba olio 125zl ozpin 1 pipermin lehortua Perrexila 2 kg patata 2 kg kipula
Nola egin
– Patatak zuritu eta 6 mm–tako xerratan, eta kipula Juliana erara moztu. Panadera patatak bi eratara egin daitezke: batetik, patata eta kipula, biak gordinik tartekatzean datza, ondoren olioarekin estali eta konfitatzeko. Bestetik, osagai bakoitza bere aldetik samurtzean datza, ondoren, nahastura plaka batean jarriz, gatza eta piperrautsa gehituz, ardo zuria eta hondo zuria gaineratuz, eta labean sartu aurretik gurin dadotxoak gehitu behar direlarik. – Arrainari dagokionez, tamainaren eta mozketa motaren arabera bi metodo erabil daitezke, plantxan edo labean prestatuta. Lehena, solomo garbi eta handientzat erabiltzen da, eta bigarrena, arrain txikientzat. – Aukeratutako teknika labean erretzea bada, gatzatu eta plakan panadera pataten gainean jarri, eta ateratzerakoan, bilbotar saltsa isuri gainetik. Aukeratua plantxa bada, platerean patata beroak arrainaren alboan jarriko dira eta ondoren, bilbotar saltsa gainetik botako zaio arrainari. – Bilbotar saltsarako, ontzi batean baratxuri xerratua jarri 1°tako oliba olioarekin. Sutara hurbildu eta bertan mantendu baratxuria igerian hasten den unera arte, bigun baina zuri gelditu behar da. Sutik kanpo, pipermin uztaitxoak, perrexil xehatua eta ozpina gehitu, dena nahastuz. Saltsa honetan ozpin proportzioa ongi jartzea garrantzizkoa da, olio litroko 250 gramo ozpin gehituz.