Artisautza
Starker. Argazkigintzako Mekanika: Artisaua
GARMENDIA IARTZA, Koro
Germán Sigwald bere lantokian lanean. Germán Buenos Airesen jaio zen, 1964ko urriaren 22an. Oinarrizko ikasketak burutu ondoren, hortzen mekanika eta arkitektura ikasi zituen.
Argazkigintzako laborategi bateko saltzaile gisa hasi zen lanean. 1988ko egun batean, baina, emakume batek argazki kamera bat konpon zekiola eskatu zion, eta Germánek, konpromisoz, egingo zuela erantzun zion. Gero, beste bezero batek beste kamera bat konpontzea eskatu zion, eta horrela, pixkanaka, lehenagoko lana utzi gabe, konponketak egiteari ekin zion.
1990ean utzi egin zuen saltzaile lana, eta esklusiboki argazki kamerak konpontzen jarri zen. Buenos Aireskoa utzi gabe, Punta del Este-n (Uruguay) beste tailer bat zabaldu zuen, uda partean aritzeko.
María Victoria D’Alessandrorekin dago ezkonduta, eta hiru seme-alaba dauzkate: Sofía (1987an jaioa), Martina (1988an jaioa) eta Federico (1992an jaioa).
2002. urtean Donostiara etorri zen, eta Amarako etxebizitza batean hasi zen lanean, harik eta 2003an gaur egun daukan tailer-denda zabaldu zuen arte.
Inguru honetan gutxi dira arlo honetan aritzen diren artisauak, argazkigintzako denda gehienek Bartzelona edo Madrilera bidaltzen baitituzte tresna hauek konpontzera.
Argazkigintzako tresnak konpondu eta mantenimendu lanak egiteaz gain, elementu osagarri batzuk saldu ere egiten ditu (pilak, filmak, filtroak, zorroak, etab.). Germán Sigwald Erregezainen kalea 51, behea. Antigua auzoa 20008 DONOSTIA Tef. 943.314412 starker@grupostarker.com www.grupostarter.com