Herriak
Herriko organo erromantikoaren doinuak entzungai
VELEZ DE MENDIZABAL ETXABE, Zuriñe
2004/01/16-23 Herriko organo erromantikoaren doinuak entzungai Zuriñe Velez de Mendizabal
Deba Goieneko kultur albisteak helarazteko: zurkain@euskalnet.net
O Herriko organo erromantikoa
rgano Erromantikoaren Nazioarteko V. Zikloa abian da dagoeneko. Hiru Udalek antolatutako musika zikloa, Bergara, Azkoiti eta Azpeitikoak hain zuzen ere. Lau emanaldi eskainiko dira herri bakoitzean eta horrela bakoitzak duen organo erromantikoen doinuak entzuteko aukera izango da. Guztira hamar musikari edo organo jotzaile arituko dira belarrientzako gozamen izango den musika jotzen.
Gaur, urtarrilak 16 hasiko da Bergarako musika emanaldia, eta Miguel Bernal alakantarrak irekiko du bosgarren ziklo hau. San Pedro elizan izango da kontzertua,eta horretarako herriaren ondare den Stoltz- Fréres organo erromantikoa erabiliko du musikagileak. Soprano bat arituko da berarekin, Julia Ruiz madrildarra.
Hurrengo emanaldiak urtarrilaren 24an, eta otsailaren 7 eta 14an eskainiko dira, guztiak San Pedro elizan, arratsaldeko 20,00etatik aurrera.