Aipamena. Argazkilari eta Bidaiariak: Fotógrafos y viajeros. Euskal Herria. 1854-1925
Egileak: Hainbat Sarrera: Juantxo Egaña Argitaratzailea: Kutxa Mota: Argazki bilduma Ezaugarriak: Antzina, bidaiari ilustratuek, beren testuen bidez, bisitatzen zituzten lekuen ikuspegi berezia eskaintzen ziguten. Askotan, testu horiekin batera, grabatuak edo in situ egindako marrazkiak erakusten zituzten. Argazkigintzarekin, 1840. urtetik aurrera, bidaiari horietako batzuk dagerrotipoa erabiltzen hasi ziren beren bidaiak dokumentatzeko. XIX. mendearen bigarren erdialdetik aurrera, Euskal Herrian argazkilari europar ugari izan ziren. Gehien bisitatzen zituzten lekuak Donostia, Pasaia, Hondarribia, Donibane Lohizune eta Biarritz ziren, beste herri askoren artean. Hartutako argazki batzuk posta-txartel gisa editatu ziren, handik zenbait urtetara, garai hartako aldizkari ilustratuetan; beste batzuk jatorrira itzuli ziren argazkilariekin batera; eta, zenbait kasutan, bildumagileek eta museoek eskuratu zituzten. Argazkilari eta Bidaiariak / Euskal Herria. 1854-1925 erakusketak garai hartako hogei bat argazkilari europar profesional eta amateurrek osatutako lan fotografikoa biltzen du. Paisaien eta erretratuen bidez gure lurraldearen XIX. mendearen bigarren erdialdeko eta XX. mendearen hasierako ikuspegi askotan erromantikoa eskaintzen digute.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
