Artisautza
Aitor Egibar. Miniaturagilea: Tresnak
GARMENDIA YARZA, Koro
Ikusi berri dugun prozesuan zehar Aitorrek zein erreminta erabiltzen dituen ikusiko dugu jarraian. Jakina, honek ez du esan aipatuko ditugun tresna hauek berak direnik artisau guztiek erabiltzen dituztenak; hor bakoitzak bere zaletasun eta nahierak izaten ditu. Zenbaitetan, gainera, norberak egiten ditu erabiltzen dituen tresnak. Hona gure artisauak darabiltzanak: Cuter-ak edo arkatz tankerako marrazak. Itsasgarriak (poliestirenikoak plastikozko irudientzat, eta zianokrilatoak berunezkoentzat). Masilla edo “putty”. Pinturak. Pintzelak. Aerografoak. Beso anitzeko eserleku lupaduna. Kalota metalikoa. Espartzua. Hainbat lima. Lizpaperak, hainbat pikortakoak. Zirujauen eskularruak. Arropa zintzilikatzeko pintzak. eta abar.