Aipamena. Laurak bat: Euskadi eta Nafarroa XX. mendean
Egilea: José Luis de la Granja, Santiago de Pablo (koord.) Argitaletxea: UPV/EHU, 2010 Orrialde kopurua: 478 ISBN: 978-84-9860-458-0 Ezaugarriak: Liburu hau aurrenekoa izan da Euskadiko eta Nafarroako XX. mendea osorik aztertzen metodologia zientifikoarekin. Hamar historialarik eta politologo batek idatzi dute, eta, lurralde horri buruzko unibertsitateko eskuliburu ona izateaz gainera, lan interesgarria da publiko zabalago batentzat ere, hain zuzen, Euskadiren eta Nafarroaren historia garaikidea zehaztasun akademikoz ezagutuz gaur egungo Espainiako auzi goriena hobeto ulertu nahi duen ororentzat. Lehen zatiaren ardatza da Euskadiren eta Nafarroaren bilakaera politikoa Espainiaren historiaren XX. mendeko lau aldi nagusietan: Berrezarkuntzako monarkian, II. Errepublikan eta Gerra Zibilean, Francoren diktaduran, trantsizioan eta autonomian. Bigarren zatian, funtsezko hamar gaik mende horretan izan duten bilakaera lantzen da: demografia eta ekonomia; sozialismoa, nazionalismoa eta karlismoa; Eliza, gizartea, kultura, emakumea eta komunikabideak. Interpretaziozko sintesi-lanak dira, gaur-gaurko historia, konplexua eta gatazkatsua izan arren, objektibotasunez aztertzen dutenak. Liburuaren koordinatzaileak, José Luis de la Granja eta Santiago de Pablo, Euskal Herriko Unibertsitateko Historia Garaikideko katedradunak dira. Egileak Espainiako zenbait unibertsitatetako irakasle dira, liburuan lantzen dituzten aldi edo gaietan adituak, eta lan ugari eta baliozkoak egindakoak gai horien gainean.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
