Artisautza
Mia Rissanen. Ehungintza: Artisaua
BELAXE. ITZULPEN ZERBITZUA
Gure emakume artisaua Helsinkin (Finlandia) jaio zen 1963ko maiatzaren 9an.
Finlandiako eskoletan eskulanak ikasten ziren, eta gaur egun ere ikasten dira. Miaren familian amonak (1913-2003) ehuntzen zuen. Amonaren gaztaroan, etxe askotan zuten familiarentzat ehuna egiteko ehungailua eta neska gazteek beren eztei-jantziak ere prestatu ohi zituzten. Miaren amonak artilea eta lihoa erabiltzen zituen lanerako. Etxeko ardien artilea fabrika batera saldu eta, han tratatu ostean, amonari itzultzen zioten berriro, nahi zuen kolorea zuela.
Mia 14 urterekin hasi zen josten eta beretzako arropak egiten, zaletasun handia zuelako.
Lehen ikasketak burutu ondoren, “Esku Lanbideak” eskolan sartu zen; han bi urtez ehungintzako teknikak ikasten aritu eta gero, Helsinkin Emausko Trapu Biltzaileak taldeko kide bilakatu zen bere borondatez. Talde horretan, besteak beste, arropa zaharrak bildu eta errefuxiatu-eremu eta bidazti-etxeetara eramateko prestatu ohi dituzte. Behar baino arropa gehiago biltzen zutenez, ordea, beroki-zatiak erabiliz mantak egiten hasi ziren, eta ehun-zerrendez ehotzen ere bai, amonak egiten zuen bezala; gure emakume artisauak oraindik ere erabiltzen du teknika hori.
Finlandian Joseba Ossa ezagutu eta Arroara (Zestoa) bizitzera etorri ziren. Hemen hiru seme-alaba izan dituzte: Maia (1991an jaioa), Aitor (1993) eta Ainara (1998).
2000. urtean, hain gogoko duen lanari berriro ekin eta etxeko atikoan irazki-hari baxuko ehungailua prestatu zuen, lanik ez duen tarteetan ehuntzeko.
Ehungintza alorreko artisautza eskolak ere eman izan ditu, gehienetan inguruko heldu-taldeei.
MIA RISSANEN Karmengo Ama kalea, 14-2. ARROA / ZESTOA Tel. 943 14 80 65 Posta elektronikoa: mia5@euskalnet.net