Egileak: Paul M. Fishbane, Stephen Gasiorowicz eta Stephen T. Thornton Argitaletxea: UPV/EHU Orrialde kopurua: 1332 ISBN: 978-84-9860-120-6 Ezaugarriak: Irudian egungo bizitzako objektu eta gertaera arruntak ageri dira: aerosorgailuak, bizikleta, tximistak, burdinolan gori-gori jartzen den altzairua, gauean ikusten ditugun izarrak... Haietako batzuk garapen teknologiko handiko tresnak dira; beste batzuk, berriz, naturan betidanik ikusten diren gertaerak. Baina haiek oro fisikaren hizkuntzaz deskriba ditzakegu. Haietan, izan ere, fisikaren printzipioak eta aplikazioak biltzen dira; liburu honetan jasoak eta ondo azalduak aurkituko dituzun printzipio eta aplikazioak, hain zuzen. Mekanika newtondarrak, esaterako, izarren higidura deskribatzen du, eta bizikletaren higidura eta azelerazioa ere bai; burdinolako altzairuaren goritasuna termodinamikak azaltzen du, eta altzairu gorigoriak igortzen duen argi gorrixkaren jokaera, optikak; elektrizitatearen eta magnetismoaren ideiak nahitaezkoak dira tximistek eta aerosorgailuek sortzen duten energia deskribatuko badira; eta azken horiek daramaten elektronika fisika kuantikoaren printzipioen mende dago, hots, azken hamarkadetako gure gizartea eraldatu duten printzipioen mende. Liburu honetan zehar, zure eguneroko bizitza azaltzen duten fisikaren printzipioak esploratuko dituzu!
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
