Artisautza
Kulunka. Denda Tailerra: Materialak
GARMENDIA IARTZA, Koro
Bi taldetan bana ditzakegu lanean erabiltzen dituzten materialak: suntsikorrak eta lanabesak.
Lehen taldean, honakoak ditugu: pigmentuak, itsasgarri natural eta sintetikoak, urratzaileak, altzairuzko artilea, zurezko xaflak (zaharberritzeko eta marketeria egiteko), berniz naturalak, ur eta alkoholezko anilinak, olioak, lurrak, argizariak, disolbatzaileak, aglutinatzaileak, erretxinak, zingilak, zurda, apar eta floka sintetikoak, grapak, tatxetak eta hainbat produktu kimiko. Bigarrenei dagokienez, berriz, hauek: bisturiak, kuterrak, brotxak, pintzelak, igorkiak, injektagarriak, kurrikak, arotzen, tapizatzaileen eta xafletarako mailuak, limak, bihurkinak, gubiak, trintxak, saihets zerra, eztenak, iltzeak ateratzeko tresna, poteratzaileak, estutzeko tresnak eta, nola ez, ordenagailua eta irratia. Ekipoaren aldetik, bi torlojutako prentsa bat daukate, eskuz erabiltzen den prentsa bat, balezta-zerra bat, marketerian erabiltzeko zerra elektriko bat, inguratzeko zerra bat, zulatzeko makina, grapagailu pneumatikoa, elektrikoa eta eskuzkoa, esmerila, josteko makina industrial bat, eta errematzailea.