542 Zenbakia 2010-07-23 / 2010-07-30

Euskobooks

Aipamena. Darwin geurean

Egilea: Kepa Altonaga Argitaletxea: Pamiela, 2010 Orrialde kopurua: 128 ISBN: 978-84-7681-609-7 Ezaugarriak: Hain zuzen 1838ko irailean, Charles Darwini bururatu zitzaion inoizko ideiarik onena: hautespen natural bidezko eboluzioa. Hautespen naturalak zientifikoki azaldu zuen gure presentzia unibertsoan, eta, bide batez, jainkoen edota diseinatzaileren baten beharra ezabatu zuen, eta beren patuaren jabe bihurtu zituen gizon-emakumeak. Ordura arte sinetsi egiten zen, bibliak esan bezala, bizidun guztiak jainkoak kreatuak zirela, eta mudaezinak. Darwinen ideia iraultzaileak eragindako kommozioa, esparru zientifikoa gainditu eta, gizartearen alor guztietaraino zabaldu zen Europa osoan. Euskal Herrian ere bai, jakina. Hain zuzen, darwinismoak Euskal Herrian bizi izandako gorabeherak nahi dizkizu kontatu Darwin geurean honek, haren aldekoak eta kontrakoak aurkeztuz, eta harrera-prozesua hobeto ulertzeko hariak nabarmenduz. Joxemiel Bidador epai-mahaikidearen hitzak Juan Zelaia IX. Saiakera Sariaren irabazlea ezagutarazteko antolaturiko ekitaldian (Iruñea, 2009-11-26).