Aipamena. Nor bere patroi: Arrasateko kooperatibistak aro globalaren aurrean
Egilea: Joseba Azkarraga Etxegibel Argitaletxea: Eusko Jaurlaritza Orrialde kopurua: 331 ISBN: 978-84-457-2640-2 Ezaugarriak: Arrasateko kooperatibistengan bizitza gobernatzeko berezko molde baten zertzeladak aurki daitezke. Ethos bat, nolabait. Euskal esperientzia kooperatiboa ez baita soilik errealitate ekonomiko bat, amets batekin konektaturiko esperientzia ere bada: enpresa eraldatzea gizartea aldatzeko; herritarrek enpresa (auto)gobernatzea; nor bere patroi izatea, efikaziari zentzua atxikiz eta zentzuei efikazia (osagai sinboliko eta kulturalen potentziaren adibide da, hein handi batean). Arrasateko kooperatibistek zentzu-komunitatea osatu dute, nolabait. Munduan garrantzitsuenetakoa den esperientzia kooperatibo honek bi alderdi josi nahi izan ditu: bizitzaren alderdi materiala (eta honi dagokion arrazionaltasun instrumentala, eraginkortasuna helburu duena) eta existentziaren dimentsio sinbolikoa (eta honi dagokion balore-arrazionaltasuna: giza ekintzari zentzua ematen dio, azken zergatiez eta zertarakoez hornitzen du). Hortaz, kooperatibek bere egiten dute modernitatearen berezko tentsioa Max Weberrek zioenari jarriki, honen ustez modernitatea bi indar horien arteko tentsioa baita.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
