Aipamena. Kirola egiteko 30 arrazoi: Ariketa fisikoaren onurak osasunean
Egileak: Luis Mari Zulaika eta Maite Muñoa Amas Argitaratzaileak: Gipuzkoako Foru Aldundia eta Emakunde Orrialde kopurua: 77 ISBN: 84-607-4616-X Ezaugarriak: Argitalpen ugarik jorratu dute ariketa fisikoaren eta osasunaren arteko erlazioa, baina horien artean oso gutxi ditugu euskaraz eta modu labur, ulerterraz eta dibulgatzailean, umeentzat eta helduentzat balio dezaketenak. Irudiei indar handia eman diegu, lan hau erakargarriagoa eta arinagoa egiteko asmoz. Formatu berean txertatu dugu haurrei egokitutako mezua (orrialde bakoitzaren sarreran, komiki moduan) eta helduei zuzendutakoa (ondoren doan testua). Zerbait baloratu edo maitatu ahal izateko ezinbestekoa da haren garrantziaz jabetzea. Liburuxka honetan azaltzen diren edukiak zabalduz irakurleengan eragin nahi da; gorputza eta osasuna zaintzen zein ona den ohartarazi nahi da eta, aldi berean, oinarrian ariketa fisikoa duten jardueretan parte hartzera motibatu. Guztiok kirola egitera animatzeko asmoz, ez dago ariketa fisikoaren aldeko ezaugarriei buruz informatzea bezalakorik. Mezu hori hedatzeak jendea parte hartzera bultzatzen lagunduko du, bai eta ohitura sedentarioak izateko arriskua gutxitu ere.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
