Aipamena. Agustin Kardaberaz. Hirugarren Mendeurrena: 1703 - 2003
Egilea: Hainbat Argitaletxea: Deustuko Unibertsitatea Orrialde kopurua: 256 ISBN: 84-7485-963-8 Ezaugarriak: Deustuko Unibertsitateak eta Euskaltzaindiak antolatuta, Agustin Kardaberazen jaiotzaren hirugarren mendeurrenaren itzalean, hernaniarraren omenezko Jardunaldia izan genuen 2003ko azaroaren 27an, Deustuko Unibertsitateko Donostiako campusean. Hizlariek bi lerro nagusi jorratu zituzten: Jose Ramon Zubiaur, Itziar Turrez, Adolfo Arejita, Ixiar Bidaola, Larraitz Zubeldia eta Bittor Hidalgok Kardaberazen lanen hizkuntzazko ikuspegia; Josu Bijuesca, Joana Garmendia eta Andres Urrutiak, berriz, Kardaberazen Erretorikaren gaineko gogoetak. Hizkuntzaren eta Erretorikaren alderdiek ez ezik, omenduaren bizitzak eta lanek ere izan zuten tartea Patxi Altunak eta Rosa Miren Pagolak, hurrenez hurren, egin zituzten hitzaldietan. Jardunaldi hartan esanak eta adieraziak denon eskura jartzea da Agustin Kardaberaz. Hirugarren Mendeurrena (1703-2003) liburu honen xedea. Hemen aurkituko ditu irakurleak beharbada orain artean inork argitan jarri ez dituen eta, apika, baita ahaztuxe zituen Kardaberazen hainbat alderdi ere.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
