Elkarrizketa
Itziar Laka / Juan Ignacio Perez Iglesias
Eusko Ikaskuntza-LABORAL Kutxa Humanitateak, Kultura, Arteak eta Gizarte Zientzien Saria
2024ko edizioko saria Itziar Laka hizkuntzalariari emateko ekitaldia baino lehen, 2019an saria jaso zuen Juan Ignacio Perez Iglesias biologo eta Eusko Jaurlaritzako Zientzia, Unibertsitate eta Berrikuntza sailburuarekin hitz egitera bildu zen Laka.
Eusko Ikaskuntza-LABORAL Kutxa bezalako sariak eta ikerketarako duten estimulua balioan jarriz hasi dute elkarrizketa. Ondoren, gai interesgarriak jorratzen dituzte, hala nola euskarak ikerketa zientifikoan izan duen progresioa, komunikazioaren eta dibulgazio zientifikoaren garrantzia gure orainaldian, edo gaur egun, oro har, atzeraka doan hizkuntza-aniztasuna.
