ARANTZA ETA JUAN JOSE
Gaztaren artisauak
2004 / 06-18 / 07-02
Egilea: Antxon Aguirre Sorondo

MUSEOA

Erreizabal baserriak, 2001eko otsailaz geroztik, Artzainaren Museoa eta Gaztaren Artisau Etxea ere biltzen ditu. Panel eta material etnografikoen bidez, artzainen bizitza nolakoa zen eta zer-nolako lan tradizionalak egiten zituzten erakusten zaigu, eta halaber, zein erreminta erabiltzen zituzten -tartean, etxerako tresnak eta ehizarako aparatuak-.

Gaztaren museoa.

Gazten prestakuntzari zuzendutako sailean ikus-entzunezkoak, eskemak eta objektuak daude ikusgai, eta modu xume eta argian gure aspaldiko artzainek langintza horretarako zein teknika eta elementu erabiltzen zituzten ikusiko dugu.