Administrazio-zuzenbidearen hastapenak

Egilea: Xabier Arzoz Santisteban
Argitaletxea: UPV/EHU
Orrialde kopurua: 510
ISBN: 84-8373-679-9

Ezaugarriak: Ikasleek administrazio - zuzenbidearen irakasgaiarekin izango duten lehenengo topaketa ahalbidetu eta erraztu nahi du liburu honek. Haren helburuak administrazio-zuzenbide orokorraren oinarrizko kontzeptuak eta egiturak azaltzea eta zuzenbide-adar honetako arazoei buruzko gogoeta eta ulermena sustatzea dira. Liburu honek ez du zuzenbideko ikasleentzat soilik izan nahi, baizik eta administrazio-zuzenbidearen hastapenak ezagutu nahi dituzten unibertsitateko ikasle eta administrazioaren zerbitzuan lan egiten duten guztientzat, beren ikasketak edozein izanik ere (ekonomia- eta enpresa-zientziak, politika-zientziak, lan-harremanak, gizarte-lana eta abar). Batetik, liburuaren estiloak eta azalpenen tonuak, hasieratik, kontuan izan dute irakurle mota guztien behar-ezberdintasuna. Bestetik, argitalpen honek erraztasun batzuk eskaintzen ditu irakurlea liburuaren barruan azkar mugi dadin eta informazioa azkar eskura dezan.

El ciclo productivo de la sal y las salinas reales a mediados del siglo XIX

Egilea: Alberto Plata Montero
Argitaratzailea: Arabako Foru Aldundia
Orrialde kopurua: 310
ISBN: 84-7821-638-3

Ezaugarriak: El objetivo de este trabajo no es realizar una síntesis histórica de todas las salinas de España, sino desarrollar un instrumento de trabajo que sirva de punto de partida para su elaboración. Lo que se ofrece a lo largo del texto es una visión general de las salinas en una etapa muy concreta, entre 1847 y 1853, 16 años antes del desestanco de la sal, momento a partir del cual la propiedad de las salinas pasó a manos particulares y sus infraestructuras sufrieron grandes modificaciones.

euskara-alemana / alemana-euskara hiztegia

Egilea: Elena Martinez Rubio
Argitaletxea: Elkar
Orrialde kopurua: 648
ISBN: 84-9783-317-1

Ezaugarriak: Hutsune bat betetzera dator esku artean duzun hiztegi hau, euskararen eta alemanaren arteko zubia osatuz. Alemana, ehun bat milioi lagunen sor-mintzaira izateaz gain, oso hizkuntza garrantzitsua da gaur egun, bai kultura eta zientzien arloan eta baita ekonomian eta politikan ere. Alemanez egiten diren ikerketak goi-mailakoak direnez, edozein espezialistak jo behar izaten du alemanez argitaratutako bibliografiara, lanean aurrera egin nahi badu. Alemanaren osasun onaz jabetzeko, munduan argitaratzen diren hamar liburutatik bat alemanez idatzia dagoela gogoratu besterik ez dago. Alemana da itzulpen gehien egiten den hizkuntza eta beste hizkuntzetara gehien itzultzen dena, ingelesaren eta frantsesaren atzetik. Euskaldunok badugu zer ikasi XVII. mendean batuaren bideari lotu zitzaion hizkuntza ez erromaniko honetatik.

Alemaniar hizkuntzalariak aspaldi hasi ziren euskaldunon hizkuntzaz arduratzen. Euskaldunon artean ere ez dira gutxi izan alemana ikasteari ekin diotenak, edota historian zehar Alemaniara ikastera nahiz lan egitera joan direnak. Gaur anitz dira gure artean urtero hizkuntza-eskoletan alemana ikasten dutenak, alemana ikasteko nahia, baita beharra ere, hazten ari baita.

Euskara-Alemana/Alemana-Euskara hiztegi honek baliabide izan nahi luke alemana eguneroko bizitzan erabili behar duten euskaldunentzat, bai itzultzaile bai mota guztietako ikasleentzat ere, eta hein berean zuzentzen zaio aleman hiztunari.

Hiztegia, gaurko hizktunak maizen erabiltzen duen oinarrizko hitz-ondareaz osatua dago, hitz teknikoak barne. Eta hitzak nola erabili behar diren erakusteko, azalpenak dakartza itzulpenaren aurretik, bai eta jakintza-arloaren nahiz gramatika-kategoriaren aipamenak ere. Adiera desberdinen artean bereizten eta aukeratzen laguntzeko dira, bestalde, emandako adibide eta esapide ugariak. Laburbilduz, lexiko arrunta eta teknikoa, gramatika-kategoriak, 32.400 sarrera inguru, 4.600 adibide eta esapide argigarri eta alemanezko eta euskarazko gramatika eranskinak azaltzen dira. Erabiltzaileak du orain hitza. Euskararen eta alemanaren arteko harremanetan egin dugun urrats berri hau beste hamaika urratsen abiapuntua izan dadila.

Elena Martínez Rubio (Bilbo, 1957-8-01). Nürnberg-Erlangengo Universität-en eta Berlingo Freie Universität-en egin zituen Filosofia, Soziologia eta Germanistika ikasketak. Filosofian doktorea da eta Euskal Filologian lizentziaduna, besteak beste. Euskaraz gain, alemana, ingelesa eta errusiera ere badakizki. Hiztegigintzan jarduna da UZEIn, eta itzulpengintzan, artikulugile gisa eta liburugintzan ere hainbat lan egindakoa. Besatari elkartean zenbait libururen argitaratzailea da.

Espainiako Konstituzioa. Constitución Española

Egileak: Juan Inazio Ugartemendia - Maite Zelaia (koord.)
Argitaletxea: UPV/EHU
Orrialde kopurua: 174
ISBN: 84-8373-851-1

Ezaugarriak: Euskararen normalizazioa konplexutasun handiko prozesua da, eta hori, neurri batean, bere erritmo desberdinetan ispilatzen da. Justizia administrazioa eta Zuzenbidearen mundua, oro har, normalizazioa astiroago gauzatuz doan eremu horietakoak dira, alde batetik, arloaren zailtasun linguistiko berezkoengatik, eta, bestetik, arauak eta legeak Euskal Herritik kanpoko instantzietan eginak izateagatik. Hori horrela izanik ere, bai autogobernu lanak eta bai Zuzenbide fakultateen jardun akademikoak premia biziaz eskatzen digute oinarrizko lege testuak euskarara ekartzea. Eusko Jaurlaritzako Justizia Sailak eta Euskal Herriko Unibertsitateak bat egiten dute konpromiso horretan, eta hortik dator LEGEAK-LEYES bilduma hau, lege testuak euskaraturik eskaintzen dituena.