Oihalei begira

Eta, azkenean,
zure hondartzako oihalei begira
geratu nintzen,
indar ezkutu berberaren eraginez.

Eta, begira-begira nengoela,
ahots isil bat entzun nuen neure baitan, esanez:
"Zer duzu, lagun, paradisu-minez?".

Orduan ohartu nintzen
zergatik zintudan hain maitea.

Eta orduantxe erabaki nuen
zugana itzultzea, maitea, paradisu-egarriz naizen bakoitzean.