Monografikoak Euskonews&Media-n

Euskonews&Media-k hilero ale berezi bat argitaratzen du 1998z gero, bere lehen pausoak ematen hasi zenetik. Aurten, 2002an, Euskal Herriko Artisautzaren nondik norakoekin ekin zion monografikoen aurkezpenari, bide batez hilean bitan berritzen den Artisautza sail berria zabalduz (http://suse00.su.ehu.es/euskonews/artisautza/index.html). Ondoren, Lurralde Antolakuntza, Herri Aldizkariak, Argazkigintza, Populazioa eta Ugalketa, Baserria eta Txirrindularitza bezalako gai anitzak landu dira. Uztailak 26an, "Turismo alternatiboa" lelopean, proposamen berriak aurkituko ditu Euskonews-eko irakurleak uda ederki eta osasuntsu pasatzeko. Irailean, berriz, Donostiako Zinemaldian bete-betean murgilduko da aldizkaria. Aurrera begira, Usoen migrazioak (Columbido-ak) izango da jorratze-gaia urrian eta azaroan, teknologia alorrean, Euskal Zientzia, Teknologia eta Berrikuntza Sarea (Saretek)-en gainean jardungo du. Gaurkotasun osoko Europar Konstituzioa eta horrek sortzen dituen eztabaidak abenduan jorratuko dira. Euskonews-eko aurreko monografikoak irakurri nahi badituzu: http://suse00.su.ehu.es/euskonews/anteriores.html

Copyright © Eusko Ikaskuntza
All rights reserved