|
Euskoart,
Euskal Arteari buruzko IV. jardunaldiak antolatu ditu Eusko Ikaskuntzak,
otsailaren 28tik martxoaren 3ra arte, Arte Neoklasiko eta Erromantikoaren
berrikuspena egingo delarik Miramar Jauregian.
Ikerlan eta ekarpen
berriak ugarituz doazen unean eta Euskal Arteari buruzko ezagupenak
eguneratzeko helburuarekin, antolatu ditu ekitaldiak Arte Plastikoak
eta Monumentalak sailak.
Hitzaldiez gain,
Beasaingo Martin Loinaz Deuna elizaren gaineko polimetria ikerketa
egongo da ikusgai. Honekin batera, Euskal Herriko eraikin neoklasikoen
hainbat plano eta maketaz hornituko da erakusketa.
Jardunaldiak amaitzeko,
garai hartan girotutako zenbait pelikula ikusteko eta monumentu
neoklasiko batzuetara bisita egiteko aukera izango da.
Egitaraua, izenematea eta informazio
gehigarria
http://www.eusko-ikaskuntza.org/eu/jorn/jornada19.html
helbide elektronikoan. | 
