B. GANDAIAGA, J.A. ARTZE ETA X. LETEREN POEMAGINTZA. Poesia tradizionalaren bidetik

Egilea: Amaia Iturbide
Argitaletxea: Erein
Orrialde kopurua: 210
ISBN: 84-7568-875-6

Ezaugarriak: Gure poeten artean agertu beharrekotzat har dezakegu eguzkia, agertu errazekotzat bainoago. Eguzkiak, ilargiaren labe bereko opil horrek, balore neurtezina dauka poeta errotsuentzat. Poeta errotsuengan tradizio eta herri jakintzaren lekua eguzkiak berak beteko luke eta eskutik eskura doan eguzki amandrea, poeta berarekin batera, bitartekari izenda genezake, arnasa luzeko poeta emaileok, Joxean Artze, Bitoriano Gandiaga eta Xabier Lete, ez baitaukate eguzkia saltzeko.

Eguzkiaren bidezko gizatasuna herrigintzaren sinonimo sekulakotuz, hiru bidaiari fidelok, hainbestean egon litezkeen horietarikoak ez poetok, egiazko eta bakantzat jo daitezkeen hiru poeta errotsuok euren hitza azalduko digute, noiz herdoil noiz urre eta euren poetika bertaratuko: airera eta harira doana (Joxean Artzerena), lur eta harri dena (Bitoriano Gandiagarena) eta suaren eta gariaren ingurukoa (Xabier Leterena).

LAS PYMES EN GIPUZKOA. Factor clave de la competitividad y del futuro de la economía gipuzkoana

Egilea: Iñigo Isusi (IKEI)
Argitaletxea: Kutxa
Orrialde kopurua: 144
ISBN: 84-7173-360-9

SOLEDAD SEVILLA. LUR


Egileak: Hainbat
Argitaletxea: Gipuzkoako Foru Aldundia
Orrialde kopurua: 78
ISBN: 84-7907-299-7

Ezaugarriak: Arte Kalatogoa

TOLOSA HIRIKO MONOGRAFIA HISTORIKOA


Editorea: Juan Garmendia Larrañaga eta Federico Zabala
Argitaletxea: Tolosako Udala - Laskorain Kultura
Orrialde kopurua: 99
ISBN: 84-607-0640-0

ZUZENBIDE SINDIKALA

Egileak: Aitor Bengoetxea Alkorta eta Koldo Irurzun Ugalde
Argitaletxea: EHU-UPV
Orrialde kopurua: 177
ISSN: 84-8373-255-6

Ezaugarriak: Zuzenbide Sindikaleko ikas materiala argitaratzeko erabakia hartu dugu, kontuan harturik alor honetan, beste askoren moduan, euskarazko irakaskuntzan dagoen hutsune edo gabezi nabarmena.

Jorratu dugun lanaren edukina erabakitzerakoan, oro har, ohiko testuliburuetan errepikatzen den eredua jarraitu dugu. Lan Zuzenbideko unibertsitate ikasketetan erabili ohi diren testuliburu nagusiak izan dira gure ardatzak. Kasu zehatz batzutan, Euskal Herriko egoerari buruzko aipamen bereziak egin ditugu.

Beraz, aurkezten dugun lanaren edukinak ohiko sailkapena jarraitzen du, zuzenbide sindikal edo lan zuzenbide kolektiboa aztertzerakoan.

Lehenik eta behin, askatasun sindikala lantzen dugu, langileen interes kolektiboak defendatzeko sortzen diren sindikatuak aztertuz. Horretarako, garapen historikotik hasi gara, ondoren egungo eraentza juridikoa azaltzeko.

Bigarren atalean, langileen ordezkaritza enpresan aztertu dugu. Enpresa barruan, langileen interes kolektiboak ordezkatzen dituzten organoak desberdindu behar dira: ordezkaritza bateratua eta ordezkaritza sindikala, batez ere. Halaber, langileek enpresaren kudeaketan zenbaterainoko parte hartzea duten esplikatzen saiatu gara.

Hirugarren atalean, sindikatu eta organo bateratuen ekimen nagusia aztertu dugu: negoziazio kolektiboa eta hitzarmen kolektiboak. Hitzarmen kolektibo mota desberdinak aipatu ditugu, baina gure lanak, batez ere, estatutuaren araberako hitzarmenari erreparatzen dio.

Laugarren atalean gatazka kolektiboak dira ikasgai. Bertan, gatazka kolektiboaren kontzeptua eta motak azaldu ostean, konponbide mota desberdinak aztertu ditugu: konponbide baketsuak eta presio neurriak. Azken hauen artean, ezinbestean, garrantzi berezia eman diogu grebaren gaiari.

Amaitzeko, aipatu I eta III atalak KoIdo Irurzunek egin dituela, eta Aitor Bengoetxeak II eta IV atalak. Biok hartzen dugu gure gain lan osoaren erantzukizuna.