|
Erregioen Komiteak 2000eko Gobernuarteko
Konferentzian azalduko duen jarrera aztertzea izan da Donostian
apirilean izandako topaketen helburu nagusia.
Eusko Ikaskuntzak bere Zuzenbidea
Saileko "Europa Euskal Herrian" taldearen bitartez
antolaturik, egitarauak goi mailako hainbat aditu elkartu zituen
analisi teorikoa burutzeko, hausnarketa politikoak ere bere tartea
eduki zuelarik.
Apirilaren 14ean izan zen EI-k
Eusko Jaurlaritzaren Europako Gaietarako Zuzendaritzaren laguntzarekin
prestaturiko jardunaldia.
Bertan ondoko ordezkari hauek
esku hartu zuten: Joxerramon Bengoetxea Eusko Jaurlaritzako Lan
eta Gizarte Segurantza Sailburuordea, José María
Muñoa Eusko Jaurlaritzako Lehendakariaren Kanpo Harremanetarako
Ordezkaria eta Erregioen Komiteko kidea, Joaquím Llimona
y Barcells Kataluniako Generalitateko Kanpo Harremanetarako zuzendari
nagusia, Andreas Kiefer Austriako Länder-etako koordinatzailea
Erregioen Komitean, Rafael Bustos Salamankako Unibertsitateko
irakasle titularra, Eduard Roig Bartzelonako Unibertsitateko
irakaslea eta Iñaki Rica Eusko Jaurlaritzako Europako
Arazoetarako zuzendaria.
Joxerramon Bengoetxea
eta Ana Toledo, Eusko Ikaskuntzaren Gipuzkoako lehendakariordearekin,
Miramar Jauregian buruturiko irekiera ekitaldian. | 
