|
Eusko Ikaskuntzak, Jakinet,
lehen ikastaro interaktibo berria aurkeztu zuen. Euskal kultura
munduan zabaldu eta sustatzeko helburua du aintzindari den ikastaroak,
eta alor horretan adituak prestatzea.
Eusko Ikaskuntza interneten bidez
elkarreraginezko ikastaroak antolatzearen garrantziaz jabetuta
zegoen. Ondorioz, hitzarmena sinatu zuen Urrutiko Hezkuntzako
Unibertsitatearekin (UHU).
Urrian hasi eta 2001 urteko ekaina
arte luzatuko da Jakinet, euskal ikasgaiei buruzko ikastaro
interaktiboa. Hamahiru jakintza-sailen bitartez, euskal kultur
errealitatearen ikuskera emango du, egungoa nahiz historikoa.
Internet bidez jarraituko den ikastaroan, sei unibertsitatetako
doktore, katedradun eta irakasle arituko dira: hain zuzen, EHU,
Deustua, Carlos III.a, UNED, Nafarroako Unibertsitate Publikoa
eta Madrilgo Unibertsitate Konplutensekoak. Euskal kulturaren
errealitatea gaur egungo zein historiaren ikuspegitik landuko
du ikastaroak, eta gehienez 50 ikaslek parte hartu ahal izango
dute.
- Informazio zehatzagoa nahi
izanez gero:
- www.eusko-ikaskuntza.org/JAKINET
 Josemari Velez de Mendizabal, Nicanor
Ursua, Pilar Díez Arregi, Patri Urkizu, Juan José
Goiriena de Gandarias eta Ainhoa Aranzabal. Argazkia: Deia
Komunikabideek honela eman dute
berria:
|
