|
Eusko Ikaskuntzaren Antropologia-Etnografia
sailak "Hiriaren Kulturak" izenburupean antolatutako
Jardunaldiak, maiatzaren 23an hasi eta 25a arte luzatuko dira.
Bilbon izango diren
Jardunaldietara, hamasei unibertsitate eta lau ikerketa erakunde
ezberdinetako 90 aditu datoz, hainbat alorretatik helduak (gizarte
antropologia, historia, ikus-entzunezkoen komunikazioa, geografia,
ekonomia eta zuzenbidetik).
Jardunaldien irekiera gisa, Graça
da Indias Cordeiro eta Antonio Firmino da Costa irakasleek "Lurraldea,
identitatea eta auzoko gizarteak" gaiari buruz hitz egingo
dute. Antonio Ariñok, ordea, "Bizitzaren elixirra.
Elkarteen partaidetza hiriko testuinguruan" hitzaldiarekin
jardunaldiei itxiera emango die.
Xehetasun gehiago nahi ezkero, egitaraua
kontsulta daiteke, Eusko Ikaskuntzaren webgunean:
http://www.eusko-ikaskuntza.org/eu/jorn/jornada01.html
Izena
emateko epea: maiatzaren 20a arte irekia dago.
Lekua (izena emateko eta jardunaldien egoitza):
Eusko Ikaskuntza-María Díaz de Haro, 11-1.
48.013 Bilbo
Tel. 94 442 4287 eibilbo@infonegocio.com |
|
|
